071027游水

10月27日早上約10:00到泳池操水，氣溫約24度。

今次仔仔唔使學游水，所以無帶佢黎，我可以不受時間限制甘游。

本來今次諗住游50個塘，睇下自己得唔得。最初也很順暢，每50m都唔使2min。

但游到約廿幾個塘之後，我既計時表突然無晒D字，我估可能壞左。之後都不能計時。我估後來的速度也慢左。最後游左42個塘，都是我的新紀錄，但唔知道時間。

但就好唔開心，因為個錶壞左，呢個表買左都係幾個月，係吉之島五折買的。現在都無再見到呢個。我拿呢個錶去錶舖睇，個老闆話無電，就給了三十元讓他換電，但佢整左好耐，我心諗可能真係壞左，而唔係無電。老闆話個錶入左水，無得整。但就收左我三十元電池費。老闆娘重話個D錶寫住50m water resistance不是代表可以用來游水，最多只可以洗手或沖涼，佢話至少要100m water resistance或寫住係water proof先可以用來游水。嘩！原來係甘樣解既，真慘！