9:00a.m.到達第6段起步點大埔道金山郊野公園，PC呢次著多咗對護踭，希望唔會再拗柴。我就第二次用兩支行山杖，希望能適應到及可以減輕上落山時膝頭的承托力。今次又買了飯團作食物，而且買咗兩個。
整理好之後，9:05a.m.正式起步。開始是暗斜車路，未見到很多馬騮，也未見到很多人影。一個鐘多少少10:08a.m.就完成第6段到達城門郊野公園。休息一會，洗個面，諗住繼續行，點知俾PC引誘到，又要買罐可樂飲，點知無晒可樂，唯有飲忌廉。
10:15a.m.開始第7段上針山，天氣很悶熱，雖然不是猛太陽，但只有微風，所以都行得較慢，而且我發覺無乜力，發覺可能因為星期四跑咗一個鐘頭步，腳仍有些痛，星期六就去游水，游咗26個塘(1300m用了50min)，行起山黎才發覺體力未完全恢復，唯有慢慢上針山。11:10a.m.已上了最辛苦的上山路段，望到針山了。11:30a.m.就到達針山頂，PC3分鐘後到達，我地已算不錯了。開始覺得肚餓，就開餐食第一個飯團，又真係幾好味，容易入口，PC真係好介紹。
休息一會，11:40a.m.開始落山。11:51a.m.落完針山到達石屎路，行一段暗斜的石屎路後就轉上草山的路。仍然是慢慢行，開始有些風，很舒服，若果是出猛太陽，呢段路就辛苦嘞！
13:02p.m.到達新建的香港特區成立十周年紀念亭，當然要影番幅靚相，周圍草地好靚，但滿佈牛屎，靚草地變成牛牛的食物。
繼續上路，很快就到達麥徑7段的最高點，原本不需要上草上頂，就可以開始落山，但PC未上過草山頂，而且又已經望到草山頂的標柱，就決定上埋去草山頂，13:14p.m.到達草山頂，又影番幾幅靚相，又影埋刻在石頭上草山的靚字。就再次上路下山落鉛礦凹。落山的路上被兩個跑山的男士過左頭，嘩！唔通呢D就係超級毅行者！
13:38p.m.到達鉛礦凹，休息一會，洗個面又再次上路，這段上山路是第8段最辛苦的路段，要上樓梯，又要經過很多大石堆，用了將近一個鐘才行咗1K左右，14:35p.m.未到M140，因為有幾舊石係度，又很大風，所以休息下，PC話就係呢度開餐，我就食埋第二個飯團，在這涼風吹過很舒服的環境下休息，真係唔想再行，這裡大風到連我件衫都乾埋。
14:50p.m.再次起行，15:35到達上大帽山前的石屎路。這裡也有很多牛屎，而且開始見到好多牛牛係度食草。
休息一會再次上路，我稍為行快少少(對比PC黎講)，其實都係好慢，16:05到達大帽山頂。我影完相後就坐係地下休息，見PC仍未到，我就連鞋連襪都除埋抖下氣，點知就係呢過時候才發覺一個天大的笑話，就是發覺我大懵到原來對鞋無左個鞋墊都唔知，仲行左咁耐都唔覺，因我買了一個較舒服的鞋墊，所以穿唔同既鞋既時候就要換，而呢對鞋上次行完山用水洗過，拿左個鞋墊出來，今日卻無放另一個鞋墊落去。最好笑就係，行左咁耐，過左針山、草山，到大帽山頂才發覺，而且行既時候從不覺得係無左鞋墊，仲覺得好舒服添，真係要介紹下呢對鞋，就係係鐘Sir度買有七折既Salomon XA PRO 3D 跑山鞋。
16:18p.m.PC上到大帽山頂，等佢抖一陣，開始落山既時候先同佢講呢個天大的笑話。
這次下山我就無跑，只係快步行，因怕膝頭會痛，但因用兩次行山杖，所以仍很舒服。我比PC行快一D，點知間唔中就會見到佢係後面跑落黎，當然佢只係跑一段就行一段，但都行得很快。我就係17:08p.m.到達毅行者第8段的check point 8 大帽山遊客中心。無幾耐PC都到達。我地總共用左8hr5min行完678段，比起2年前同一時間起步，但到18:30都未落到大帽山腳，重要截順風車(山頂工人放工坐的輕型貨車)搭落荃灣，今次時間快左好多，當然8個鐘先行完只是正常一般行山的速度，就是漁護署路標指引的時間。但對我地黎講已經很滿意。
17:10落到扶輪公園既小食亭，諗住買汽水飲，點知遠遠望見一個女士係小食亭行出來，好似是老闆娘關門走人。厲害的是PC竟然大聲喝住問係唔係老闆娘，可唔可以俾我地買埋野飲先，老闆娘話可以，重再開埋小食亨既閘，等我地揀飲品。我地買完之後，重有幾個人黎幫趁，等老闆娘做多幾個生意，不枉PC喝住老闆娘要佢再開檔。
係巴士站等了51巴士好耐，17:50p.m.才上車，重同小食亭老闆娘一架車。約19:05返到家中。
起步前整理一下
在孖趾徑遠望針山，很矇查查。
PC係城門水塘燒烤場做緊乜野呢？原來係記錄緊時間。
近望針山
回望針山
上草山見到新起的紀念亭
草山標柱
上大帽山前的休息亭，PC又係度做緊乜呢？
大帽山既大明珠
大帽山腳check point 8
你地睇下PC個樣幾咁得戚！
沒有留言:
張貼留言