090622烏蛟騰-荔枝窩-鎖羅盤-鹿頸

09年6月22日   雷暴大雨，後轉天暗　　　　　　氣溫約30度

今日本來跟網友行山，但因時間太早及要兩上吊燈籠，怕自己的體力及膝頭未能負荷，因此放棄。但又想在鎖羅盤封村前去一次，因此今日約了TY一起行，本來重有兩個年青人及昔日毅行隊友PC，但最終都係剩番我地兩個行。

12:10到達烏蛟騰起步，落車時還未落雨，怎知突然下大雨，要在停車處避一陣雨。很快因雨勢轉弱，我們就擔遮行。後來更停雨，直到行完全程都無再落雨。

烏蛟騰(12:15)--亞媽笏(12:55)--荔枝窩(1:30-2:00)--鎖羅盤(2:50)--榕樹凹(3:35)--亞公坳(3:55)--大環(4:35)--鳳坑(5:10)-鹿頸(5:30)

全程約13公里，用了5hr15min完成。

今日孭腰包行山，連行山杖都無帶，雙膝無痛，上落山都無問題，但似乎係雙腳及膝頭唔夠力，開頭上山都無問題，但當腳攰時上山就無力，行得好慢。今日著左對係毅成買既鞋Evolv，其實買左好耐，用黎行街，今次第一次用黎行山，因為呢對鞋係防跣的，毅成話有外國報告測試過重厲害過Five Ten，我就唔多信。今次天雨路滑就試下，在濕滑的石上真係唔跣，TY反而跣左幾次。我估呢對鞋的防跣都幾好。


烏蛟騰祠心村起步

過左祠心村之後這是上山的路口

遠望吉澳及印洲塘

去荔枝窩村之前先去通心樹要由風水林這路口入就正確，我地行過左先去左荔枝窩再繞路去通心樹，浪費左不少時間。

這是通心樹，我不敢捐入去，只係外面影相就算

白花魚藤，不准攀爬或坐。

進入陰深的鎖羅盤

下望所羅盤

TY正望著09年7月1日封村的告示，以後不能直過，可能要轉右上山路行。

鎖羅盤廢村

以前細個既時候公園玩既爬鋼架

遠望沙頭角及深圳

我地呢一段沿岸邊行，這是蠔

有很多人正在掘蠔

去到大環松記買番罐可樂救命

中間是一個島名叫水浸咀排，若水漲會淹過沙堤，今日水退，可以行過去。

鳳坑村

到達終點鹿頸，剛看見小巴開走，要等半個鐘

我地就在此食豆腐花及等車

090615忠僕號

仔仔因停課，我與太太今日放假，本來諗住一家人可以有活動，飲完唔早唔晏既茶之後，太太被急call要去醫院。因此我與仔仔只有周圍逛，最後行到尖沙咀參觀忠僕號。今日只有書展部份開，入場費成人$10，長者及11歲或以下免費。我們入去逛了一陣，無買任何東西就離開，在出口收到一支原子筆，一張英文單張介紹忠僕號，一張post card及一張英文的福音橋。

忠僕號已有九十幾年歷史，快要退役，它是一首宣教的船，去到不同地方傳揚基督教及開展一些活動。大概二十年前(準確年日不大記得)忠僕號也曾到訪，當時我有份參與與忠僕號合作的活動，忠僕號的義工教了我們一些福音魔術，我就第一次在尖沙咀碼頭五支旗竿下與其他義工一起表演魔術及傳福音，當時真係好緊張及怕穿崩，因手法不大純熟。但這是一次很難忘的經歷。另外又與一些外藉義工一起去到葵盛村、葵涌村(當時未拆未重建)等去訪佈道，我與一個義工及兩個外藉義工一隊，所以探訪居民時要翻譯，但我的英文水準麻麻，但導師教我們若聽不懂他們說甚麼也不要緊，翻得幾多就幾多，甚至可以佢有佢講，我有我翻自己的意思(真攪笑)，因為目的都係佈道，當然我們都係盡量翻譯。但這又是一次很難忘的經歷。

所以忠僕號到港，又會想起以前的事，又可懷舊一番。

090614馬灣影相之旅

約了很久去影相，擔心因落雨不能成行，但下午天晴，終於可以成行，目的地是馬灣。 人數有8人，但有大機影相的只4人。最後去舊碼頭只有3個人。

本來下午3:00出發，但最後要3:45才出發，4:30到達馬灣，但因馬灣公園6:00關門，因此先入馬灣公園影相，但因時間不久，都未行完整個公園。之後去馬灣舊馬頭影相。7:00結束行程，與Daniel去探珠姐跟住一起晚飯。

五年多前我曾在馬灣工作，舊村仍有人住，仍未清折；但今日的馬灣已大大不同，又可以懷舊一番。但今日影Ｄ相自己不大滿意，要繼續努力學習先得。

真與假的芳園學校

您估咁大磚係乜野黎呢？