今次是我們一家三口第一次只有自己沒有其他友人一起去露營，所以揀咗去西貢灣仔，但去到才醒起今年是第二次去灣仔。
今此因為只有自己一家去，要帶齊三個人的用品及所有露營裝備，包括：四人營、天幕、營燈、爐、四人cookset、自動充氣地蓆、睡袋、水袋、水、食物等，真係好重。
25號中午一家人嘆完茶，然後搭車入西貢，再轉小巴入海下，之後步行30分鐘就要灣仔西營地。這30分鐘山路孭住咁重既野真係好辛苦。下午3:30終於到達目的地，所見到的竟然有咁多營喺度，希望搵到一個較好的地方扎營，所以第一次要等位，等人收營後才可以扎營。
扎好營及起好天幕後，同太太仔仔玩一陣遙控直升機、飛碟。我就唸住先煲烋靚湯，在超市買了蓮藕、甘荀烋鱆魚，就先開爐煲湯。但煲烋吓才發覺我只帶了一支邊爐gas，另外兩罐gas燈gas，以為啱用，點知原來吾啱用，弊家伙，得一支邊爐gas，重要煮三餐、煲湯、煲糖水、沖熱飲等。都重好在發覺得早，否則煲兩個鐘湯用晒Dgas才發覺無重弊。惟有慳住用，煲靚湯煲一陣就算，但仍然好好味。
晚餐食午餐肉、魚旦公仔麵，飲蓮藕湯。飯後同仔仔一起去洗碗，真難得。
西貢晚上的天空真係好好，雖然見到有半個月光，但仍然睇到好多星，睇到冬天最靚的星座獵戶座，其他星座就唔記得晒，無睇星專家TC喺到點都係差好遠，但仍然比我哋睇到人造衛星，真妙！
晚上氣溫開始下降，不足十度。我哋很快就入營裡面玩，三個人玩UNO，之後打機。太太很疲倦，所以我哋好早瞓。但因為太太好怕凍，用晒所有衫仍覺凍，佢成晚無覺好瞓；仔仔就成晚只係喺三點鐘醒過一次，跟住又瞓到天光；我雖然無自動充氣地蓆，佢地兩個有，但我都瞓到。
早上起來，露水很厲害，全個營、天幕、草地等都濕晒。我同仔仔一早起身，預備好早餐同熱飲，就叫太太起身，佢仍覺好凍。食完早餐，發覺重有少許gas，就煲腐竹雞旦糖水，因我好耐無煲過，同埋唸住將所有腐竹放晒落去煲就算，點知變成腐竹多、水很少的糖水。但總算有糖水飲。
當太陽山來曬了一段時間，溫度也上升了不少，仔仔將個溫度計放喺太陽底下直接曬，竟然有50
快活不知時日過，好快就中午，無晒gas，惟有執野走人。三點鐘離開灣仔，三點半到海下士多飲下午茶。之後乘小巴返西貢轉車返屋企。五點半前已歸家。
今次第一次只有一家人去露營就圓滿結束，我地盼望農曆新年再去露營，這將會是第七年新年去露營了，希望有其他人一齊去玩喇。
