路線：東涌－萡刀屶－蓮花山－黃龍坑郊遊徑－東涌
星期一好耐無行山，於是找了FY大師兄帶我行Ｄ我未行過既山。大師兄實在很好，立刻約好今日去行萡刀屶。估不到今日天晴有太陽，但大師兄連帽都無帶，因無想過會出猛太陽。一出太陽，我上山就很慢，大師兄又陪我慢慢行。10:00東涌消防局等，10:20起步，在警署對面山坡上山。行下抖下欣賞下機場景。終於12:40才上到萡刀屶的三角測量柱。之後決定不行婆髻山，行蓮花山。因此要繼續上山，速度又再慢Ｄ。2:30到達蓮花山，跟住行去天帝之床，與大師兄一齊瞓係天帝之床休息左十分鐘。之後落山接鳳凰徑。3:20到達黃龍坑郊遊徑入口，之後就是腳震震的落千多級石級，終於4:20行完黃龍坑郊遊徑。之後去食番個下午茶餐同飲左兩罐可樂。大師兄太好了，不但請我食下午茶，更陪我搭左個半鐘頭巴士送到我屋企樓下先走。當然大師兄有事先入黎將軍澳啦。
今日行左6個半鐘完成萡刀屶及蓮花山兩個未行過的山。多謝大師兄。
