本來預計今次不須背負太重的背囊，怎知最後都係要孭成50幾磅重。
我們相約25日中午12:00在西貢市中心等，一起吃完午餐，然後到超市買物資，之後約1:30坐7號小巴入海下，於中途白沙澳落車步行入去，大約一個鐘行程。但因孭住咁重的背囊，雖然路段十分平坦易行，我都係要行下停下休息下，但都係只須一個鐘，大概3:00就入到荔枝莊。
我們都係第一次到荔枝莊，很大片草地，但滿佈石仔及牛屎。我們視察了一段時間才能找到合適的地方扎營。我們五個人起三個營，兩兄弟一個四人營，Ricky一個二人營，我與仔仔一個三人營，十分寬敞舒服。
扎好營起好天幕後，仔仔與三個壯男玩UNO，我就視察環境及休息下行下。之後我們一起玩飛碟。大概6:00快將天黑，我們開始預備煮晚餐。今次我們嘗試煲白飯，我買了個酒精爐cookset，人地話用酒精爐煲飯會好Ｄ，因為無咁猛火無咁易生米及燶。因我們有五個人，決定煲兩煲飯，一煲用酒精爐，一煲用gas爐，看看有甚麼分別。甚知用酒精爐煲的飯真係好靚，用gas爐煲的飯有少許生米，但仍可以接受。餸方面就是煎雞扒及豬扒，清抄豆苗，煎雞旦等。本來有豆豉魚，但忘記拿出來，唯有變成早餐。各人都食飽，都覺得好好食。清洗完食具後，大約8:30我們開始玩仔仔的生日禮物，就係電子大富翁，係唔洗用紙幣，乃係要擦咭，好似信用咭咁。仔仔第一次是五個人一起玩，而且係用正式的玩法黎玩，可以互相買賣交易，直到其中一個破產為止就完結。仔仔玩得好開心，而且過程從沉悶到刺激，過程也十分峰迴路轉，本來以為是我先破產，怎知竟然係細兄弟先破產，而由仔仔做大富翁，仔仔當然十分開心。但我們已經玩左三個幾鐘頭，將近零晨12:00。我們就要瞓覺。當晚不是太凍，我最初諗住連睡袋都唔開，只用厚褸當被，怎知越夜越清涼，最後都係開睡袋當被。
26日早上我們都很遲才起身，約9:00才起身煮早餐食。早餐吃即食麵及雞旦。之後我們開始執拾，因為沒有預備午餐，本來諗住係荔枝莊的士多吃，但最後我們都係出番去先吃，而我又不想行路走，看到船期是11:40往馬料水，下午才有船去黃石碼頭，於是決定搭去馬料水，就快快執搭行裝，剛剛可以搭到船往馬料水。到步後行去大學站快餐店吃午餐。之後就各歸各家去。因今次沒有計劃會做些甚麼。所以只是露營及休息下。
完左這次露營之後，成班年青壯男講開電子大富翁好好玩，而且又識玩戰國風雲(Risk)，本來我與仔仔去親露營一定帶大富翁及Risk，但今然卻無帶Risk。當大家講得慶高彩烈，話下次去露營就要玩。於是開始計劃下次露營的時間，可能是新年期間了。仔仔當然開心，原來有咁多年青壯男都鐘意玩大富翁及Risk，可以陪他玩。
其實我也十分開心，他可以打到咁高分。