081201打保齡

12月1日，因仔仔放假，我剛夜行完鳳凰山睇日出，早上11:00返到家中，內務完後，與太太及仔仔出尖沙咀食日式自助餐。之後去咗打保齡。我就十分疲倦，但仍要奉陪到底。仔仔五歲已識打保齡，不過是用雙手打的，因為單手唔夠力，但仔仔因為已經習慣雙手打，到現在快將十一歲，其實已經夠力單手打，但他卻不願改變打法，因為可能怕打唔到咁高分。仔仔8歲時已打到最高分201，10歲時打到215分，今次在快將十一歲時，竟然打到223分，共有七個全中，其中五個是連續，真厲害！我今日的水準就當然麻麻，因十分眼瞓，平均分不到150分，是很久也未試過不到150分，但今日仔仔平均分也過150分，是他最高平均分的一次。他一般只有百二、三分。所以今次平均分俾仔仔叻過我，真無面！其實我也十分開心，他可以打到咁高分。