氣溫26-30度 天朗氣清猛太陽
原本目標：東霸M019至獅子亭M101(2345段共41K)；結果......
今日早上情商吉哥哥揸的士由將軍澳載PC及我到西貢接TC及FC直入東霸。可以由吉哥哥幫手影番幅全隊照。
整裝待發後，8:40由東霸起行，上小小石級路就落山到浪茄，9:00到M022開始上西灣山，今日很猛太陽，比起星期一落雨行起上黎辛苦很多。FC一馬當先，不夠10分鐘就上到第一個亭(M023)，TC就陪住我，所以慢一些，要16分鐘到涼亭，但PC仍是一樣，20分鐘到達，與星期一同樣時間。稍休一陣，再次起行，要上一段石級，這次覺得較為辛苦，離開第一個涼亭(M023)到M024要15分鐘，跟著到M025西灣山頂第二個涼亭只需8分鐘，9:42到達山頂；連休息由M022到M025只用了不夠45分鐘，在太陽下能克服心理陰影有這時間也不差。在山頂只休息很短就開始落山，經過吹筒坳之後10:35到達西灣士多(M031)。
本來諗住到咸田才食麵，我先叫左碗冰凍荳腐花及無糖可樂，但FC肚餓叫左碗牛肉火腿麵，但好耐都未黎，TC話不如係度食埋，唔使係咸田再停，於是我又叫腿旦麵。點知PC叫的麵變左米粉。大休完後，11:15再次起程。這次經過西灣沙灘，我地幾個都唔想濕鞋，不踏小河而過，而繞路行橋，第一次這樣行正路。半小時後到達咸田灣(11:45)，這次不行獨木橋而行回麥徑正路，也是我第二次行正路，之前次次都行獨木橋。這次行正路反而覺得難行，好在很快到大浪村士多M038(12:05)，我再次飲罐冰凍無糖可樂，PC現在才食飯團補充體力。12:13起程上大浪坳，我今次要18分鐘才上到大浪坳(M040)，PC這次要25分鐘，因為太熱嘞！12:40在大浪坳開始落山，PC一樣學上次照跑，奉人過人。1:55到達赤徑(M043)。之後1:30到達北潭凹(M048)。PC係1:35到達，他要除去包住腳趾的崩帶，因之前起水泡，現要再包過。
休息一輪後，1:55再次起行，開始在太陽底下上第三段，第一關是牛耳石山。由M049開始上樓梯，很辛苦，用左20多分鐘才到達M050，有張椅可以坐吓。之後都用左20幾分鐘才上到M051，再上一D既路才開始平緩。3:30到達嶂上(M055)，這次要入士多，我都係第一次去嶂上士多，今次買了樽荳漿及水，就食我之前買的飯團，就是PC既好介紹。
又休息一輪後，3:47起行，繞過畫眉山，落了一段山路，再上雷打石山就真係辛苦，經過M060及M061後，PC最後都係唔掂，因為除了水泡外，又再次觸傷上次拗柴的舊患，他終於要放棄，話唔上雞公山，因為很痛。所以我地就係未到M062雞公山腳之前(4:55)，有一條路指向榕樹澳，但不知要行幾耐，但又唔想行去大網仔，因怕會迷路。所以決定行去榕樹澳，估計不需一個鐘，就可以Call的士走人。
點知呢條去榕樹澳既路，雖然路很明顯，而上不斷下斜落山，但可能因為之前幾日落過雨，這段路非常多菁台及非常跣，全程都要小心弈弈咁行。約40分鐘就到達榕樹澳的引水道口(沒有入村)，本想一路行出去看看有無車，最後都能call到架的士，於是6:15上車，FC及TC出到路口就落車轉車歸家，我同PC繼續去西貢，點知塞車，6:45到小巴總站，大排長龍，因為小巴也因塞車不能入到黎，因此都要等幾架小巴才上到，7:05上車，開車後仍是有小小塞車，7:30到總站後轉車，7:40返到家中，大清洗後才吃飯。
總結：未能完成今日的目標，只行左8個半鐘左右約24K。而PC容易拗柴的問題需要諗辦法解決。
浪茄沙灘的水龍頭也不見了，無左水源。
PC好似好辛苦的樣子上到黎第一個涼亭
西灣山頂的涼亭
今日天色很清，遠望咸田灣及蚺蛇尖
PC在大浪村食番個大飯團補充體力
足之到達北潭凹
上牛耳石山的途中風景好靚
因PC放棄，所以由榕樹澳走人
，黎浪茄露營就無左呢個水源，唔知點解會咁樣，希望快D整番就好。11:25到達M22，再次上這個對我黎講有心理陰影的西灣山，不過這次應該可以輕易克服，因為無太陽，氣溫很好，又落雨，行起上黎上山也很輕鬆。20分鐘上到第一個涼亭(M023)，時間是11:45，稍休一陣，吃了個豬仔飽，PC吃了個係地鐵站買既飯團。PC食左呢個飯團之後，就厲害嘞
！全程有氣有力
，PC話下次都要帶飯團行山。11:55再次起程，要上一段石級及上山路，但很快15分鐘就到M024，跟著8分鐘就到達西灣山頂(314m)的涼亭(M025)，時間12:20。再稍休一會。12:25開始落西灣山，呢段路因落雨，滿佈泥濘，成對鞋都變成泥漿鞋，我今日著左對「快艇」(FIVE-TEN)士大夫底(Stealth)既鞋，諗住唔會甘跣，但成對鞋都係泥漿，一樣跣
，所以要小心行落山。1:00到達吹筒坳的涼亭(M030)，之後落長命樓梯加長命斜，我地就快步行加跑咁走落去西灣村。1:10到達西灣士多。
。在西灣再次嘆番碗腿旦麵加冰凍無糖可樂
。呢次老板娘無再送蕃薯糖水嘞，PC都係無口福無得食。大休一輪，清洗對滿佈泥漿的鞋。飲飽食醉後，再次上路。
。2:30到達大浪村(M38)
。我地都無休息，因為PC食左個飯團仍然有氣有力。重有5k，一個鐘多D就可以到北潭凹，咁咪可以破紀錄，6個半鐘行完1,2段。想到呢度，就繼續努力行。因為開始要上山，要爬升百多米上大浪坳。用了15分鐘2:45就到達大浪坳(M040)，PC就稍遲，但只是2:50就到達大浪坳，對PC黎講20分鐘上到大浪坳已很厲害
。下次真係我都要整番幾個飯團先得嘞！
，雖然佢地常常停要等人。但我地照佢地咁行，容乜易我地都可以行到30小時。所以36小時應該無問題，PC大得鼓勵。當然我地明白，今日係無太陽所以先行得咁快，若果有太陽，我都會迅速體力下降，邊有行得咁快。今日既速度只是假象，我地知道自己可以行到幾多，但今日估唔到PC都可以係平路同落斜行得咁快，下次有太陽既時間都要催谷下佢等佢係平路同落斜既時候行快D。
PC就無得食嘞！
