PC與我今日操練麥徑1,2段，因為之前PC因肚唔舒服「甩底」無去，所以今次再行，也可以為星期三行2345段齊人操練作準備。
今日溫度很適中，雖然不斷落雨，甚至有時落得很大，雨打落臉很痛，有帶遮，但不想用，因此全程只穿風褸，有帶行山杖，但全程也沒有用。
今日早上9:00到達北潭涌，整裝待發，9:10到達起步點M000，開始一段是暗斜上石屎路，但很快就開始繞萬宜水庫車路行，一路下微雨，但很舒服，我們能保持每6分鐘行500m(一個標柱)，到m009開始無雨，怎知過了M011就再開始落雨，甚至越落越大。但10:55很快就到達東霸涼亭，時間用了唔夠2個鐘。
稍休一陣，11:00起行落浪茄。11:10到達第一段完的指示牌。經過浪茄，發覺水喉沒有水，水龍頭也不見了
，黎浪茄露營就無左呢個水源，唔知點解會咁樣，希望快D整番就好。11:25到達M22，再次上這個對我黎講有心理陰影的西灣山，不過這次應該可以輕易克服，因為無太陽，氣溫很好，又落雨，行起上黎上山也很輕鬆。20分鐘上到第一個涼亭(M023)，時間是11:45，稍休一陣，吃了個豬仔飽，PC吃了個係地鐵站買既飯團。PC食左呢個飯團之後，就厲害嘞
！全程有氣有力
，PC話下次都要帶飯團行山。11:55再次起程，要上一段石級及上山路，但很快15分鐘就到M024，跟著8分鐘就到達西灣山頂(314m)的涼亭(M025)，時間12:20。再稍休一會。12:25開始落西灣山，呢段路因落雨，滿佈泥濘，成對鞋都變成泥漿鞋，我今日著左對「快艇」(FIVE-TEN)士大夫底(Stealth)既鞋，諗住唔會甘跣，但成對鞋都係泥漿，一樣跣
，所以要小心行落山。1:00到達吹筒坳的涼亭(M030)，之後落長命樓梯加長命斜，我地就快步行加跑咁走落去西灣村。1:10到達西灣士多。嘩！好開心呀，4個鐘頭行完由北潭涌到西灣到達CP1
。在西灣再次嘆番碗腿旦麵加冰凍無糖可樂
。呢次老板娘無再送蕃薯糖水嘞，PC都係無口福無得食。大休一輪，清洗對滿佈泥漿的鞋。飲飽食醉後，再次上路。1:47離開西灣，行過沙灘，西上山就要經過一條小河流，今次因為落左甘耐雨，又不想繞大圈，唯有照踏水而過。2:20到達咸田(我地無行正路，因怕行泥漿路，而行沙灘路經過咸田士多），條獨木橋好似好危險甘，到最尾段更有少少傾斜
。2:30到達大浪村(M38)
。我地都無休息，因為PC食左個飯團仍然有氣有力。重有5k，一個鐘多D就可以到北潭凹，咁咪可以破紀錄，6個半鐘行完1,2段。想到呢度，就繼續努力行。因為開始要上山，要爬升百多米上大浪坳。用了15分鐘2:45就到達大浪坳(M040)，PC就稍遲，但只是2:50就到達大浪坳，對PC黎講20分鐘上到大浪坳已很厲害。之後開始落山，斜路很斜，我就剎都剎唔住，要跑落赤徑，因為若慢行落斜重辛苦，膝頭會很傷。怎知連話唔可以跑既PC都一樣係咁跑落山，3:01到達赤徑M043。嘩！厲害，PC食咗一個飯團就咁犀利，11分鐘可以行左1.5K落山
。下次真係我都要整番幾個飯團先得嘞！跟住又開始上山路，但只是暗斜，我仍可以保持每6分鐘行500m的速度。3:38到達北潭凹，完成1,2段。我諗住行快D可以快D換衫，怎知3:45PC亦都都達。我地清理好自己之後，3:52諗住94巴士無咁快到，但都行去巴士站先，點知就見到架綠Van去西貢，我地立即跳上車，4:10到達西貢。我就4:45返到屋企。
今次因為落雨又好風，溫度又很適中，所以能夠以6個半鐘行完1,2段，若果減番係西灣士多停留左35分鐘，嘩6個鐘就可以完成，真犀利呀PC
。今次係東霸既時候見到另一班5個人一樣操毅行者，係西灣山頂、西灣士多、赤徑等地方，一路都遇到佢地，佢地重問我地目標時間係幾多，我地話36小時，佢地話我地都行得好快，邊洗36個鐘。之後係赤徑更知道佢地目標是30小時，因為其中一個行得很慢，重慢過我地，佢地隊長重話可能要換人。PC聽到佢到目標係30小時，就好得支持同鼓勵，因為佢地今日同我地既速度唔差得幾多
，雖然佢地常常停要等人。但我地照佢地咁行，容乜易我地都可以行到30小時。所以36小時應該無問題，PC大得鼓勵。當然我地明白，今日係無太陽所以先行得咁快，若果有太陽，我都會迅速體力下降，邊有行得咁快。今日既速度只是假象，我地知道自己可以行到幾多，但今日估唔到PC都可以係平路同落斜行得咁快，下次有太陽既時間都要催谷下佢等佢係平路同落斜既時候行快D。
沒有留言:
張貼留言