070903麥徑1,2段

07毅行者第一課

2007年9月3日星期一    有太陽，也有雨，氣溫約30-32度

今次原本有PC同阿成及我一齊操練，點知到早上PC話前一晚食錯野攪到個肚唔舒服，不能行，所以第一課就只有初認識的阿成陪我練習第1,2段。

9點半到達北潭涌，9:35正式在第一段起步點起步，開始時很好天，有太陽，間唔中有雲遮住個太陽，所以行起來都很舒服。因為我成個月都無行個山，因此都係一般速度去行。在萬宜水庫的風景很靚。兩個鐘頭就到達東壩涼亭。稍休一陣就再起行落浪茄。再休息一陣，因為對我黎講，上西灣山仍然有D心理陰影，所以準備好才挑戰西灣山。12:25在浪茄起程上西灣山，12:45上到中間的第一個涼亭，又休息一會再起程；1:30就到達西灣山頂的涼亭。很開心用了一個鐘包埋中途休息由浪茄上到西灣山頂。在山頂再休息一會就再次起程落山，去西灣開餐，點知落山途中開始風雲變色，開始落大雨，我地D鞋變晒泥漿鞋，變成很跣，要好小心慢慢落山，去到吹筒坳的涼亭開始停雨。大約2:45我地好快就去到西灣士多休息，清洗吓對鞋，洗個面，食番碗腿旦麵，嘆番罐冰凍可樂。臨走前老闆重請我地食左碗好大碗既蕃薯糖水。　PC就無得食嘞！　3:20再次起行，無太陽無雨，舒服好多。3:55到達咸田，這次沒有休息就繼續路程。本來想係大浪村食豆腐花，4:10到達大浪村，點知幫襯開個間無開門，無得食，休息一會就再上路。4:35到達大浪坳。遇到大本營的人剛去完長咀路營回程，打個招呼後，繼續行程。4:55到達赤徑，本來以為趕唔到5:30黃石碼頭開的那班巴士，但行行下仍可以係5:35到達巴士站，用了８個鐘完成一二段行程，總算第一課不是行得太慢，只是休息了也有成個鐘。點知到巴士站才看到是5:40先至有一班車，早知唔使最後行得快左D喇。6:45就返到屋企，可以大清潔。