100117再做遊牧民族

結婚19年，最初都係租屋住，但頭9年搬咗9次屋。最初覺得搬屋都很容易，但後來越來越多野，而且仔仔出世，不大方便常常搬屋，因此決定買樓，但當時對樓市等情況毫無知識，見到喜歡的地方及近返工，因此2000年買咗樓，雖然當時樓市是從高峰期不斷下調，但買咗後仍然繼續下跌。最初供樓的負擔已很辛苦，在04年更失業一年多，經濟壓力也很大，但又不能賣樓，因為重要貼錢才能買樓。最近一兩年，樓價有上升趨勢，而仔仔又已讀中學，一家四口住兩房單位實在很擠逼，雜物已擺到成個廳都係，我都不敢接待客人。因此決定賣樓，之後再租三房的地方住，以後再作打算。但近幾個月有很多人來睇樓，但無人回價，我想是否家中實在太亂，給人的印像不大好。因此決定先搵地方租，之後執執間屋再賣。上星期看中一間，前日星期五立刻簽了臨時租約，我們已預備2月搬屋。怎知今日星期日有人睇中我們的樓，帶埋支票黎，終於簽了臨時買賣合約，樓價雖然被壓低，但也可接受。一星期內租到樓又賣到樓，真是感恩。終於放下重擔，重新再做遊牧民族，再次租人地方住，不知將來又要搬幾多次呢！仔仔最開心，有自己的房，又有幾個常一起玩的同學住附近，會所比現在的更大！希望搬屋及賣樓的過程能順利！

100101東北縱走2010

2010年1月1日   天陰   氣溫14-17度

東北縱走2010  

路線：烏蛟騰-馬頭峰-橫嶺-大峒-觀音峒-紅石門坳-牛角涌-馬尿河-下苗田-犁頭石-三椏村-荔枝窩-梅子林-分水凹-尖光峒-石芽頭-谷埔-鳳坑郊遊徑-山火瞭望台-烏蛟騰(32公里)

第一次參加東北縱走，今次與Ricky一齊參加二人組。今日只瞓左兩個鐘，五點半起身，要在7:00前到達大埔墟火車站。

Ricky與我於7:45到達烏蛟騰，登記後就做一做熱身，見到與Bobby一齊行毅行的隊友Kenny，又見到跑慣馬拉松的阿騰。今日天陰有風及十多度氣溫行山實在很好。因第一次參加，又覺得條路線上上落落，上落山的路又斜又跣，覺得唔容易行，因此最初定下目標只是在十個鐘內要完成，而挑戰的目標是8小時。

起點烏蛟騰   08:30a.m.

CP1 大峒 5km   09:40a.m.    1hr10min    

CP2 牛角涌 3.5km    10:25a.m.     45min

CP3 下苗田  4km   11:15a.m.     50min

CP4 荔枝窩 5.5km    12:10p.m.    55min

CP5 谷埔 7.5km    02:40p.m.(休息35min)    2hr30min

終點烏蛟騰 6.5km    04:04p.m.    1hr24min

32km   7hr34min

第一次參加東北縱走，竟然可以用7hr34min完成32公里的路程。在此多謝Ricky，因為他全程幫我孭水樽，等我可以行得好輕鬆，而且他的速度比我快很多，但他全程就住我的速度黎行，我估計若他自己行，可以6小時之內完成。所以今次很開心能與Ricky一齊完成這個籌款行山活動，也使我知道自己的腳患情況如何。