090803大城石澗至肥佬麥-初次行石澗的體驗

09年8月3日星期一    酷熱天氣警告　氣溫約30-35度 一號風球    初時天晴後轉天陰有雨

我是第一次行石澗，今日選擇左行一星澗既大城石澗，即大帽山源頭至城門水塘出口。今日有Ricky 及 TY同行。

10:00在荃灣千色店附近搭82號綠小巴往城門水塘，10:15到達。我們立即起行往大城石澗入口處即灰橋。要整理行裝，換鞋及將所有東西放入防水袋。11:05起步，但我們因第一次行大城，所以行很慢，要找路，又影下相。因未行過石澗，開始階段已因差錯腳踏空而扭傷左腳及撞親右腳，而TY也撞親腳。雖然仍可繼續，但行得很慢。2:30才到達龍泉谷，本想放棄由石澗上中游出口之今日終點肥佬麥，而改行郊遊徑上肥佬麥，但因見到一個阿叔，佢話上面幾個潭很靚，而上肥佬麥他只需個零鐘，而估計我們也只需個半鐘。最初只是諗住上高小小望一望，但行下行下已不能返轉頭，於是我們決定繼續沿石澗上。之後開始天陰，繼而落起大雨，甚至聽到雷聲。因知道就快到，我們惟有小心行，我們三個都著Kamachi涼鞋，真好掂，行石澗都無跣，只是一D光滑得很厲害的濕石就會跣。終於5:00在雨中到達肥佬麥，完成我們今日的目標。之後仍然落雨，我們沿相思林徑接龍門郊遊徑落番城門水塘小巴站。途中見無雨落，我就換左對被宣傳為山澗之王的Teva行澗涼鞋，想試一試是否一樣唔跣。怎知中途我就跣左一下，撞親左邊臀部。之後立刻換番Kamachi涼鞋就無再跣。所謂山澗之王都係用黎行街算嘞。真正澗王之王係Five-Ten既Savant或其他款。6:25到達小巴站，因剛走左架小巴，見有的士就上車去荃灣惠荃體育館沖番個熱水涼洗白白。然後去食番餐好既泰國餐。