071004跑步

好似好耐冇跑步，最近只是行山及游水。

因要練氣操毅行，今晩有時間，於是去跑步，目標是沿將軍澳單車徑跑一個圈，約有10K。

今晚氣溫約25度，起步初時覺得很順，跑了30分鐘時諗住可以不單跑將軍澳一個圈一個鐘，更可以繼續跑寶康公園多幾個小圈多半小時，怎知跑了40分鐘後，個膝頭有些少唔舒服，又不是很痛，又不是冇力，不知甚麼原因，所以唯有放慢黎跑，最後只能完成最初的目標，將軍澳一個圈，用了58分28秒，同以前的時間差唔多。雖然不覺得很攰，仍然有氣有力，但因膝頭唔多妥，所以不再繼續跑，不知是否與去年跌親膝頭有關係呢！希望日後無乜事，唔會影響行山！