09毅行操練第二課：原本目標係麥5(獅子亭)至8段
今日有隊長從毅行者大會網站討論區中找到新隊員Kenny加入一齊行，佢今日帶多個同事黎，共5人9:00從慈雲山慈正村出發。先上15分鐘樓梯至獅子亭，稍為整理一下裝備，齊人預備出發。
9:30正式起步，開始麥5上獅子山繞山腰而行。10:25到達回歸紀念亭，稍休一會再上畢架山。11:00到達畢架山頂，又休息一會，然後落樓梯往大埔道。11:50到達大埔道金山郊野公園麥6入口，不須兩個半鐘完成已非常理想的速度。開始見到好多馬騮，仍然有人駕車來餵馬騮。太陽越來越猛烈，連一星級暗斜易行的麥6，我竟然都行得好慢好辛苦，因為一出太陽我的體力下降得好快，而且星期一剛行完山，體力腳力還未恢復。1:00到達城門水塘燒烤場，用了1hr10min才能完成麥6，似乎慢了些。我們在此大休吃麵包飲可樂。我發覺腳很攰及右膝痛，同隊長講想在此處離去，但又好像不太好，我們決定行埋針山，之後落沙田走人，但隊長仍想完成目標。我們再次在1:40起程往針山，看看情況如何再作決定。我一開始上針山的長命樓梯就開始用龜速，實在太熱，行幾步就要抖一抖。3:05終於到達針山頂，我係最後一個，同其他隊員相差成10鐘有多。我即刻要坐低休息一會，實在太熱。3:17再次起程落山，3:28已落完針山到達石屎路。之後長命暗斜石屎路上草山，但我們決定落沙田，連隊長都贊同。3:45到達落沙田的路口，我們稍休一會預備落山。這段路比以前易行好多，因為鋪了石頭，以前是很斜的泥路及有很多凹坑路。3:50起程，4:30經過信義宗神學院，4:45到達沙田港鐵站，完成今次的行程。
今日雖然未能完成目標，因實在太熱及體力未恢復，也因右膝仍痛，但之前扭親的左腳卻無事無痛，反而有力咗，這都算理想。
Kenny這位新隊員真係厲害，行的過程好輕鬆，無聽到他的呼吸聲，也不覺他攰，行完好像沒有行一樣。因他有跑開馬拉松及曾行雷利之78公里衛奕信徑。麥徑對他來說真係很容易。希望他不會嫌我地老又行得慢，拖慢佢既速度。
沒有留言:
張貼留言