九月後，Ricky及TY都要返學，因此上星期一雖然好天，但無人陪行就無得去。
今日約了仍在找工的Sam可以同行，對上一次都係Sam同TY一齊行港島徑1-4段。今次希望行一次過行晒8段50公里，預計11個鐘。
約了Sam 8:00係中環等，之後坐1號綠色小巴上山頂，次次搭小巴都要排長龍，等6-7架先上到車，今日可能早咗，竟然唔使等，架小巴剩兩個位，我們一上車就開車。
8:45起步，但開始落微微雨，我最初都不想開遮，但最後雨勢較大，唯有開遮直到行完;也因落雨，所以都無乜點影相。今次步速都很平均，每5分鐘行一個標距柱即500米。
行咗至少五次港島徑1-4段，今次竟然出現兩次行錯路，在第2及第4段出現，因不想走回頭，知道前面都會接回港島徑，因今次其實也行少咗約4公里。這次我又無帶花士令，行到第2段左腳腳板已起水泡，到第3段右腳腳板都起埋水泡，左腳水泡更穿咗，一路行都好痛。記得第一次想行晒全段，行完第5段在大風坳時，也起了水泡而不能再行，真係唔想再黎一次係咁放棄。
12:50到達黃泥涌水塘，有小食亭，可以休息，食麵及飲可樂。已行了一半路程，但腳也痛及水泡很痛。Sam隻腳都有少少痛。本想再次在這裡放棄，因雨勢開始大咗Ｄ。最後決定行埋第5段看看情況，這是全段最辛苦的一段，要上433米高的渣甸山，落至300米高的石礦場，再上417米高的畢拿山，再落300米高的大風坳，但路程卻不長，只有4公里。
1:30再次出發，Sam要用行山杖，我堅持唔用，因想試試對腳能否夠力行完全段。雨勢越來越大，風也很厲害，落山時右膝頭很痛，水泡也很痛，但仍要死頂。終於2:55行完第5段到達大風坳。我們再休息一會，Sam隻腳似乎很痛，但若在大風坳走，要行很斜的路落山去鰂魚涌，要要45分鐘，若行第6段都係平路，只有4.5公里，都係行45分鐘，到達大潭道可以搭14號巴士走人。若有力能繼續又可以。
3:00我們再次起行，起初都是暗斜石屎路，我越行越順，好似無咁痛，我心諗今次應該行得完全段港島徑，就算Sam唔再行，佢可以搭車先走，而我有力可以繼續行。但Sam似乎仍然很痛，腳板也開始起水泡。當行完石屎路轉入山路時，但雨勢很大，已及已落了很耐雨，條路都舖滿水，甚至是小河流。我們不能行得快了。終於我們要4:05才行完第6段，到達大潭道。雨勢越來越大，我知Sam不能再行，而我也覺得這樣大雨的情況也不宜再行，因此我主動話搭車走，但行去巴士站的路是沒有行人路，兩面的車又多，我們唯有搭的士走人，5:00我已返到家中。我們完成今次的行程，用了7小時20分鐘完成35公里1-6段。其實若再繼續行7-8段，預計只需4個鐘就可以。
總結：今次再挑戰一次過全走港島徑，再度失敗。失敗是因天雨關係，但若好天甚至有大陽，我又可能行得慢很多。其實我知道自己12小時內一定行得完，不過次次都唔想行得咁辛苦及行到天黑。我可能以後不再挑戰一次過全走港島徑，因為這段路實在太悶了，也不想行山行得咁辛苦，行山是要享受當中的過程，行Ｄ風景優美的山徑又不太長咪更好。
沒有留言:
張貼留言