070812-13貝澳露營

一早計劃是這個時間去貝澳露營，因天雨本想改期，但仔仔話落雨照去。於是一家三口冒著落雨都去露營，還可以試試新買的Screen House這個十呎乘十呎的大營。  
12日大概黃昏六點到達貝澳，搭車去時仍落緊雨，但去到營地已經冇雨。營地只有看見得幾個營，不是太多人。起營後仍冇雨，就連天幕都唔開，就煮晚餐食。因怕會落雨，食完就入大營玩，在營裡面可以企係度(有183cm高)，我地玩得好開心。12點就瞓覺，因怕會落雨就拉埋個shelter，外面有風，但裡面都很熱。仔仔就很快瞓著，我就因太熱只瞓到個零鐘。
早上六點，仔仔同我就起身，太太就仍繼續瞓。但早上天氣越來越好，中午已有太陽。
太太同仔仔就走到海灘執蜆，同埋長尾螺。仔仔執到很多，好開心。
到四點幾，天色開似差，我地快快收搭行裝，開始有微雨，但很快就停。但我地已經玩得好開心。

因為本來以為會落大雨，怎知整個露營時間都冇落過雨，真意想不到。這是恩典。

太太話祈禱祈得太勁，不但冇雨，更出太陽。
仔仔話8月尾再來貝澳露營。希望到時都好天氣啦。