100217-18西貢白腊新春露營

2010年2月17-18日大年初四、五                     天陰            氣溫7-10度(入冬最凍)

今年一早計劃新年會去露營，怎知天氣突然轉為寒冷及微雨，仔仔要補習無得去，太太怕凍唔去。因此今次又只得四個男丁去，Ricky、TY、Anderw及我。今次嘗試到未去過的西貢白腊露營。

17日中午在西貢一齊吃完午飯及買完東西就搭的士入萬宜白腊路口，之後行落去白腊沙灘扎營。去到時沒有任何人露營，後來只有兩個男士到來扎營。連沙灘的士多老闆在晚上已離開。

我們在營地扎好營後，就玩一陣＂魔力橋＂。晚上就到士多前打邊爐，有枱有椅，我們重一人一窩，有各類魚旦、腸仔、肥牛、脆肉鯇及唐生菜。晚上只下了幾滴雨後就一路都無落雨。溫度實在太低，很凍，我們吃完玩一陣後，11:00就各自返營睡。但在營內都只有9度，外面可能只有7度。著埋襪及抓毛外套加羽絨睡袋都覺得凍，成晚都無覺好瞓，凍醒幾次。

18日早上9:00起身，梳洗後，見無雨就先收營，之後再到士多前煮早餐，又一人一煲，各自煮麵食。之後又玩一陣＂魔力橋＂後，1:00離開營地，15分鐘後上到萬宜路，見到有的士，立刻跳上的士返西貢，吃小小東西就各自歸家。3:00已回家。今次無雨，天幕及營都不需清洗，很快就處理好所有露營用品，真開心。