20090326杜牙根

去年年中因發覺左右兩邊各有一隻牙蛀了，終於去了一個相熟的牙醫補牙。就在這幾個月，我又學人食無糖香口膠，希望口氣可以清新Ｄ。怎知可能就係因為食得香口膠多，其中一隻牙補過的地方好似鬆鬆地，但我又無理會。到上個月尾的一日早上，發覺這隻牙的地方痛得好緊要，以前牙痛都未試過咁痛，食左止痛藥都仍然痛，唯有打電話去睇牙醫，好在即日下午有期可以去。牙醫話蛀牙的部份去到神經腺所以咁痛，其實上次補牙只是盡量去補，今次必須要杜牙根。於是又要照X光，又要局部麻醉，但當好似一觸及神經腺時仍然覺得很痛。牙醫話要做三次，每星期一次。找數時我也很擔心帶唔夠錢，因為之前聽人講話杜牙根好貴，有些甚至要過萬元。但這次護士竟然話原價千六，現收一千，重可以分三次俾。之後聽人講話杜牙根真的要過萬，至少也八千。真感恩。這牙醫是我太太以前成長教會事奉時由高中帶返教會，我當時都係我太太教會聚會，因此這弟兄由讀高中至高大學到現在已經做牙醫幾年，我們早已認識。我們都覺得他的手勢唔錯，因此我們當牙有問題時都會找佢，因為信得過佢。我現在做了第四次杜牙根，因為重有少少發炎，仍有血流，所以至少重要做多一次，但沒有再加收費用。因望下星期真的是最後一次，咁就唔使咁辛苦。