我與PC食完早餐後，計劃由將軍澳村出發上井瀾樹接續行衛徑第4及5段，目的地是大埔道。估計時間6-7小時。
今日天氣晴朗，但煙霞也很厲害，溫度約19-24度。
今次我只孭腰包行，帶咗唔夠2L水，諗住唔夠都可以係獅子亭度補給。
因PC以前行過由將軍澳村至大藍湖一段，我就全程未行過，所以今次全程都係跟住PC行
(其實係因為PC經過毅行操練後速度快咗好多，我跟唔到佢)。8:40a.m.到達將軍澳村，沿小夏威夷徑上井瀾樹，途中竟然見到棵很高的木瓜樹，但未熟的。沿路見到小溪流、小瀑布，更有一條PC話係日本仔時期比英軍炸爛咗既小水壩。
9:13a.m.經過新地村到達清水灣道井瀾樹，過隧道到達對面維他奶廣告士多衛徑第4段的入口。經過D村屋後走回山路，應該是西貢古道，話說這條古道至少有300年歷史，是古時由西貢往九龍城唯一通道(資料來自《香港遠足郊遊指南》)。在山林的路途中竟然見到有一個印度人(他自己講的)正在監督工人(都好似係印度人)建築別墅，PC話以前行過都係未起好，都有三年時間。
9:57a.m.到達大藍湖路的涼亭，沿石屎路行一陣就到達上山的路口，這段應該是衛徑第4段三粒星最難辛苦的一段，但對於PC黎講已經算不得甚麼，仍然一馬當先行上山。最初是有樹蔭，行了半小時後，開始山路沒有遮蔭，開揚很多，而且可以望到蠔涌及匡湖居。
11:05a.m.已經到達基維爾營，唔知PC望到基維爾營有沒有一D感觸或傷感呢？
跟著沿飛鵝山道石屎路上山。11:13a.m.到達觀景台涼亭，之後就開始下山石屎路。我同PC講話要係獅子亭度食豆腐花，但PC話要食熱既，但星期一係無熱既豆腐花(因之前問過)，佢又話唔想食無益既餐旦麵，不如落去黃大仙睇睇有無麵食。我因成個月都無運動，受咗PC引誘
，決定搵藉口唔行衛徑第5段，雖然這段十分容易行，相信兩個鐘都行完，但都係去食麵好D。於是係11:55a.m.到達獅子亭，無入去士多食麵食豆腐花，咁就落山朝住另一個目標進發，到咗佛廟後見到綠Van就跳上車落黃大仙，在小巴總站就有一檔車仔麵，就入去食麵去也。嘩！原來14元一碗三拼麵，真抵！觀塘都食唔到咁平。12:30a.m.就各散東西去也。
整個行程只行了3hr15min，由將軍澳行到慈雲山獅子亭。總算係毅行之後稍為輕輕鬆鬆咁行下山。下次目標是環湖，即是環繞船灣淡水湖一周，是行山界考牌路線。希望能完成目標。
將軍澳村入口
木瓜樹
清水灣道井瀾樹
大藍湖道上山路口
飛鵝山道遠望獅子山、畢架山
沒有留言:
張貼留言