於是我地一家三口又再次背住全副露營裝備再上路，這是第一次是三日兩夜的露營。26/8星期日下午5:20到達貝澳，不是太多人。天氣還可以，未有雨落，但這次要用天幕，因怕夜晚會落雨。但因個營太大(10呎x10呎)，天幕卻不夠大遮唔晒。
有一班年青人係我地隔離扎營，有十多人。我估佢地實好嘈，實無覺好瞓。
後來太太竟然撞到以前一齊同工的傳道人，她就是黎協助男傳道睇住這班係我地隔黎既年青人。我地起完營後約6:15p.m.，太太同仔仔急不及待就去掘硯。一個鐘頭後，佢地掘到好多番黎。我地用水養住D硯一晚，等D硯無咁多沙，第二晚就食咗佢地。
第一晚我地早D煮完野食，早D沖涼，這是第一次露營可以涼沖，真係好爽
；沖完涼就入營裡邊玩，又可以早D瞓。點知隔離班年青人真係好嘈。十二點一點重玩集體遊戲，我地認識那位傳道人已經幫我地叫佢地唔好咁嘈
，但只是細聲左一D。
最後我就成晚都瞓唔著。
到早上開始落雨，但不是很大雨，我就再起多個天幕遮住張枱，可以有地方食野。食完早餐後我地又可以玩。
到下午，太太同仔仔再次去掘同玩水，我就好眼瞓，所以入營休息。到黃昏，太太同仔仔已經掘左好多硯，但佢地就去左沙灘玩水浸水。我見佢地玩得咁開心，又覺得唔需要睇住D野，我就換埋泳褲落沙灘同佢地一齊玩水，仔仔玩得好開心。
之後我地沖完涼就開始煮熟D硯來食，無落任何調味料都好好味！食完硯後想煮野食，點知開始落大雨，唯有草草收場，入營裡面食乾糧。第二晚我地好早瞓，但整晚落好大雨，重行雷閃電。班年青人就無再玩得咁嘈，可能因為落雨。仔仔瞓得好舒服，我就半睡半醒的狀態，只是到臨天光就瞓得著，都有兩三個鐘。
第三日早上，食完早餐，又煮埋D硯黎食，仍然好好味！之後看見個天息不大好，像想落雨，我地開始快D執嘢走人，免得個營同天幕都濕哂才收就慘嘞，因為番到屋企有排清理。十二點半就離開營地，但等了很耐都沒有巴士同的士，最後足知有架將近爆棚既巴士黎到，我揹住這麼大同重既背囊迫上車，重要企係好窄既通道，連轉身都轉唔到，最辛苦就是搭這程巴士
。好在好快就到東涌，我地三點鐘就番到屋企。完成這次再戰貝澳之旅。
